Festival Sinsal Logo

Bonnie Prince Billy

03 Apr 2007
Centro Cultural Caixanova -

Vigo


18€

JPEG - 30.9 KB
bonnie

Will Oldham é un clásico. Un dos grandes grandes grandes por encima de gustos persoais máis/menos subxetivos. Dito isto pouco máis queda que engadir.

Flash Video - 12.2 MB

Recordaremos que este señor ben como Palace Music, Palace Songs, Bonnie ‘Prince’ Billy ou Bonnie ‘Blue’ Billy leva facendo música desde fai 15 anos, e que a medida que van caendo os discos crece a sensación de que o seu mellor disco aínda está por facer, e iso recordando que tras de si quedan obras tan importantes como ‘joya’ (Drag City, 1997), ‘i see a darkness’ (Palace, 1999), ‘ease down the road’ (Palace, 2001), ‘master and everyone’ (Drag City, 2003) ou ‘superwolf’ (Drag City, 2005) obriga a cualificar esa sensación entre reverencial e epifánica, algo que supoñeremos divino se é que o seu legado xa non o é.

Polo camiño quedan colaboracións con Johnny Cash, Bill Callahan, Matt Sweeney, Mick Turner, Jason Molina, Alasdair Roberts, David Pajo, Tortoise e un longo etc. que non fai senón confirmar que aquilo do xogo en equipo enriquece a visión e supera os resultados da individualidade.
E así chegamos á que crítica e público da man (por unha vez) consideraron obra cume ata a data sen apenas discusión, ‘the letting go’ (Drag City, 06). Rodeado de Jim White, Paul Oldham e Emmet Kelly, ‘the letting go’ esconde un puñado de cancións rebonitas por encima de matices que as afastan un pouco do campo e achéganas máis ao corazón e que merecen ese prefixo ‘re’ grazas á iluminada voz de Dawn Mc Carthy (Faun Fables), un anxo máis propio de conto. Tremo pensando como soarán esas cancións no escenario. E é que pensado así en frío custa crer que imos ter tan preto ao rei dos gorgoritos. Porque isto vai pasar, ¿verdade?

www.dragcity.com/bands/bonnie.html
Extractos de cancións dos seus discos
Bonnie Prince Billy myspace
Máis fotos

JPEG - 50.5 KB
bonnie
JPEG - 19.4 KB
bonnie