Festival Sinsal Logo

Circuit Des Yeux

09 Oct 2015
Museo MARCO -

Principe 54, Vigo

Circuit des Yeux ou o que é o mesmo, Haley Fohr, é unha desas voces que non se esquecen, capaz de moverse entre os murmurios e un ton de barítono natural que recorda por momentos a Nico. Aos seus 25 anos a súa carreira acaba de comezar e xa se converteu nunha das grandes promesas do neo-folk grazas ao seu barroquismo e á súa capacidade única de facer mudar as cancións ao seu antollo, creando atmosferas etéreas que rompe sen problema para levar ás súas melodías aos cantos menos esperados. O seu último traballo, "In Plain Speech", é todo un tratado daquilo que fai ao proxecto Circuit des Yeux unha rara avis que circula a contracorrente, creando artesanalmente cancións únicas e paisaxes preciosistas que circulan entre a meditación, o arrebato e a confesión intimista. Haley Fohr é unha artista en continuo crecemento que no seu último traballo transcende o seu propio pasado para situarse abertamente nun terreo novo, esculpindo sen medo unha carreira que mira de fronte a temáticas persoais e sociais sen perder un ápice de radicalismo e orixinalidade.

MERCAR ENTRADAS