Festival Sinsal Logo

Phill Niblock and Katherine Liberovskaya

17 Jul 2010
Museo Quiñones de León -

Vigo


8€

Nacido no 1933, Phill Niblock iniciou a súa carreira como cineasta da avant-garde neoiorquina dos anos sesenta, tamén como fotógrafo. O seu salto á música non se produce até finais desa década, se ben xa adicara parte dos seu traballos cinematográficos á música, filmando a músicos de jazz e facendo unha película abstracta centrada na figura de Sun Ra. A súa primeira composición é do ano 1968, e xa entra de cheo no minimalismo abstracto que caracterizará a súa carreira musical. É compositor de innumerables pezas conducidas maioritariamente por Petr Kotik nas súas premieres e interpretadas en multitude de espacios a redor do mundo. Como músico ten colaborado con xente de moi diferentes campos como os Sonic Youth Lee Ranaldo e Thurston Moore, David First, Ulrich Krieger ou Reinhold Friedl. O seu estilo é comparado co de Stockhausen ou co de Robert Fripp e Brian Eno. É director da fundación Experimental Intermedia, nacida ao calor do 68 e establecida hoxe en Nova York e Ghent, Bélxica.

Phill Niblock preséntase na actual xira acompañado da videoartista Katherine Liberovskaya, que leva dende finais dos oitenta participando en exposicións a nivel internacional e desenrolando o seu traballo entre a performance e o vídeo.

JPEG - 43.3 KB