Festival Sinsal Logo

Sir Richard Bishop

01 Feb 2009
Museo MARCO -

Vigo


12€

Sir Richard Bishop

Salón SINSAL. Museo MARCO de Vigo.
1 de febreiro, ás 19:45 horas Entrada: 12 euros .

http://www.sirrichardbishop.net/

O guitarrista Richard Kighted foi fundador e membro durante vinte anos dos seminais Sun City Girls, a quen se lles atribúe a paternidade do recente “freak folk”. Porén, non se alcumaría Sir Richard Bishop deica o seu primeiro álbum en solitario, Salvador Kali (1998), que xa daba conta dunha feroz expresivade feroz coas seis cordas e da vontade de esmiuzar a tradición do instrumento dende unha posición sabiamente experimental. Polytheistic Fragments (2007) é a súa máis recente declaración caleidoscópica, a virtuosa demostración de até onde pode chegar alguén con apenas unha guitarra entre as mans. Das once cancións que integran o disco, gran parte delas serían improvisadas no propio estudio de gravación, coma unha caste de feitizo. A afección do músico polo ocultismo e polas viaxes a territorios orientais nótaselle ben no que toca e en como o toca.

Django Reinhardt, Chet Atkins, John Fagey, músicas tuaregs ou hindús, ragas, mesmo flamenco, todo colle e avinza no talento multidimensional de Richard Bishop, capaz de trazar con tres notas una liña que conecta as melodías e harmonías dos catro puntos cardinais do hemisferio. A biodiversidade sonora de Polytheistic Fragments sería ao respecto a mellor proba: o folk melancólico de “Quescent Return”, o blues eléctrico e etéreo de “Hectate´s dream”, a viaxe mística de “Saraswati”, o surf excéntrico de “Canned Goods & Firearms”, etc. Os fragmentos de Bishop son coma cores na paleta dun bo pintor. E a exquisita mestura de elementos acreditaríao para partillar escenario con outros grandes da música contemporánea, coma Bonnie “Prince” Billy ou Devendra Banhart.

JPEG - 47.4 KB
JPEG - 61.9 KB