Festival Sinsal Logo

Vic Chesnutt

19 Sep 2008
Centro Cultural Caixanova -

Vigo


10€

Vic Chesnutt (Estados Unidos)

O home que converteu a súa pronuncia do inglés nun instrumento central do seu xeito de facer música, o norteamericano Vic Chesnutt (Florida, 1964), recunca nos escenarios para presentar North Star Deserter (Constellation, 2007), o seu undécimo traballo e talvez o mellor da súa carreira. Gravado no mítico estudio analóxico Hotel2Tango de Montreal para o que fora un dos selos de referencia do post-rock, co cineasta Jem Cohen na produción e na compaña de Guy Picciotto (Fugazi) e todos os membros de Thee Silver Mt. Zion Memorial Orchestra & Tra-La-La Band, entre outros, este disco deixa atrás a beleza morosa de Guetto Bells para nos amosar un Chesnutt sombrizo e acedo, por veces sarcástico, no limiar da apocalipse. Prolífico, fondo, sempre incómodo, este pioneiro do freak folk confesional, este prometeo en cadeira de rodas segue a explorar o seu particular imaxinario sureño, a arrandear entre a traxedia e a distancia.

www.vicchesnutt.com
www.myspace.com/vicchesnutt
www.cstrecords.com

JPEG - 81.7 KB
JPEG - 93.2 KB